escuyer

Escuyer, m. acut. Est le plus bas et premier degre de noblesse, et par ce que les Notaires en France donnent ce tiltre d'Escuyer à tout gentil- homme n'ayant tiltre plus signalé que d'un Seigneur Chastelain, on le rend Scutifer, comme portant Escu ou Blason à armes, estant Escuyer proprement celuy qui a droit et prerogative de porter Blason et Escu armoirié, lequel droit appartient aux seuls gentils-hommes, Et par ce tout Escuyer est gentil-homme, quoy que à present le droit de porter armes, escusson et blasons, n'est entretenu en son integrité de premier, et soit usurpé par tels qui n'ont droit de se nommer Escuyers, et est si bien ce mot Escuyer le premier degré de noblesse, que lesdits Notaires le mettent devant la Seigneurie du gentil-homme, tenant fief ou arriere-fief, disans tel, etc. Escuyer, Seigneur de tel lieu, s'il n'a plus eminent tiltre, que de Seigneur Chastelain, comme dit est. Aucuns font ledit tiltre d'Escuyer subordinatif à celuy de chevalier sans plus, appelans Escuyer le gentil-homme qui n'a encores receu l'Ordre de chevalier, quelque eminence d'autre tiltre qu'il ait, Nobilis scutatus nondum insignibus equestribus donatus. B. Comme est observé en Espagne, où l'Escudero est le degré subordiné au Cavallero, et selon ce Scutifer seroit celuy qui sert de porter l'escu et la lance au chevalier, dont les anciens Romans donnent quelque apparence. Si font aussi les Veneurs, appelans Escuyer le jeune Cerf, qui va accompaignant le vieil Cerf. Et les Vignerons encores appelans le fauxbourgeon Escuyer, au respect du vray bourgeon, Suffrago. Mais, ny en Espaigne, tout Escudero n'est gentil- homme, ny en France nul n'est Chevalier, s'il n'a receu l'acollée, ou l'un des Ordres du Roy, ou n'a office important dignité de Chevalerie, Là où le commun, Cavallero Espagnol n'est de telle authorité et prerogative que ceux-cy. Ce mot Escuyer a obtenu une estenduë en France, telle presque que ce mot Comes en Latin, car nous disons, Escuyer d'escuyrie, Escuyer trenchant, Escuyer de cuysine, communicans ce mot ausdits Estats, et plusieurs autres servans en la maison du Roy.

Escuyer d'escuyrie, m. Equorum curator, Praefectus equilis Regij. Cavallerizo Espagn.

Escuyer ou coustilier, Armiger.

Escuyer qui fait l'essay, Praegustator.

L'Escuyer qui va devant son Seigneur, Anteambulo, anteambulonis.

Escuyer de cuysine, Anteambulo fercularius. B.

Escuyers de salle et de chambre, Anteambulones atrienses et cubicularij. Bud.

Escuyer d'honneur, Honorarius anteambulo.

Le grand Escuyer, Hippocomorum decurio, Praefectus hippocomiae, Praefectus equisonum, Armiger summus, vel maximus. B. Comme s'il estoit escrit Equier, ab Equo, vel ab Equiriis quasi Equiriarius: Toutesfois le mot est dit par autre raison, voyez Escuyer.

Escuyer ou fauxbourgeon, Suffrago.

L'Escuyer d'un Cerf, Cerui assecla. C'est un jeune Cerf, qui en accompagne un vieil.

Thresor de la langue françoyse. Jean Nicot.